CCLXII.

1369, August 21. Glatz.

Der königliche Hauptmann von Glatz und Frankenstein urkundet über Zeugenaussagen hinsichtlich der baulichcn Unterhaltung der Neissebrücke zwischen Pilz und Dürrhartau.

Nos Potha de Tschastolowicz, maiestate cesarea regiaque capitaneus Glaczensis et Frankensteynensis, nec non invictissimi principis domini nostri, domini imperatoris Romanorum camere magister, Cunczelinus de Zlopnicz iudex provincialis, Wenczeslaus Heroldi iudex hereditarius atque nos scabini iurati civitatis Glacz presentis anni, videlicet Johannes Scultetus, Johannes Smalcztassche, Johannes Scolaris, Johannes Syfridi, Friczco Melnik, Nicolaus de Rychensteyn, Mathias dictus Rex, Wolframus Magni Jacobi, Jacobus de Lompnicz, Hennelinus dictus Wagenknecht, Heynricus dictus Sparbir et Matheus Scolaris, una cum senioribus prefate nostre civitatis, Peczcone Wolframi, Heynrico Sartori curie, Heynrico Ruperti, Johanne Merkelonis, Petro Rychenawer, Peczcone de Wartha, Hermanno Rusoldi, Johanne Burghardi, Jacobo, Hermanno, Nicolao fratribns dictis Tschetirwange, atque magistri mechanicorum, pistorum, Nicolaus, Hennelinus fratres dicti Eckel, carnificum, Hennelinus Homut, Andreas Closeloius, sutorum, Nicolaus Crispus gener quondam Lybingi, Nicolaus Surdus, Wyczingus Dorner, textorum, Nicolaus Columbarius, Hermannus Steyner, Longus Nicolaus et Cunczo dictus Ferreus, publice profitemur seu recognoscimus universis ac singulis presentibus futurisque presentes litteras tam inspecturis quam audituris, quod in nostri presentia, nobis consilio bannito presentibus, ubi vigor cunctarum est causarum legitimarum, fuerunt constituti . . fideles et honesti viri, Jesco Dives natus in Harta residens in bonis dominorum de Bebirsteyn in villa Stolcz rusticus homo perannosus centum annorum pene completorum, Hermannus dictus Comes rusticus, clientum Theoderici et Heynczonis fratrum de Rachenau residens in bonis eorum in villa Banaw octuaginta annorum completorum, Damko rusticus in Harta homo LXXXta annorum completorum subditus Reynczconis dicti Schof clientis, de bonis honorabilium et religiosorum virorum abbatie monasterii Kamenczensis fratrum Cisterciensis ordinis sancti Bernhardi de Heymrichsdorf, Heynczo dictus Alleum (?) homo LXXXta annorum perfecte completorum de Meymfridsdorf, Cantans Trochtlibus homo centum annorum completorum, et de eadem villa Heynricus Advocati homo LXXta annorum bene completorum, sanis corporibus, discretis rationibus, non illecti, nec decepti, non ducti per errorem, nec improvide, sed iuramentis legitimis ac debitis ipsis super corpus et animam, sicud anima a corpore die extrema decedere deberet, unicuique pro se ipso datis, conscientiosis astrictibus adiurati, iuxta modum, ritum atque consuetudinem provincie generalem, ut de ponte quondam ultra fluvium Nysam inter Pilcz et Hartham constructo, quid eisdem de prefato ponte notum esset sufficienter non obmitterent explanare. Qui siquidem rustici ac viri, quos fama perfectionis fidei ac honoris preconizat sufficienter prefulcitos iuramentis debitis optinuerunt iuxta morem (?) premissorum, principaliter Jesco Dives de Stolcz professus est pro se scienter atque copiose recordari, discretum virum Hildebrandum, quondam civem Frankensteynensem, prelibatum pontem cum pecunia civitatis et districtus Frankensteynensis absque subsidio claustri Kamencz comparasse, cum quo siquidem ponte claustrum conventus nec abbatia quidquam habuit disponere nec ordinare penitus et precise, qui sepe dictus pons a prima constructione tantum duravit usque ad diluvium, quod fuit in die sancte Anne genitricis beate Marie semper virginis, anno futuro festo dicto approximante sexaginta anni complebuntur; eodem festo funditus corruit, preteriit penitus et cessavit pons sepe tactus, nunquam ab eodem tempore elapso reconstructus. Deinde ceteri prenominati, videlicet Heynczo Alleum, Cantans Trochtlibus, Hermannus Comes, Damko et Heynricus Advocati iuxta premissa sunt professi, sepe libatum pontem recordari constructum compertum premissoque tempore per diluvium disruptum atque iuxta tenorem Jesconis prelibali, omni quoque tempore, quo duravit, preteriit et cessavit, claustrum cum eo nunquam aliquid disposuisse nec ordinasse modo quoquam, sed tantum hos, qui cum pecunia sua comparaverunt. In cuius rei testimonium et robur perhennis securitatis, cum sit necessarium, transitoris perhennibus roborari, sigillum nostri predicti capitaneatus cum sigillo civitatis presentibus est appensum. Actum et datum Glacz in prethorio anno domini millesimo trecentesimo sexagesimo nono, XII° die Kalendis Septembris.

Or. Perg. An Pergamentstreifen die Siegel des Potha von Tschastolowicz (zwei schräg-linke Balken; Umschrift nicht mehr leserlich) und der Stadt Glatz (rechtsschreitender Löwe; Umschrift: S. CIVIVM . GLACENSIVM.).

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.